ድንበር ተሻጋሪ በሽታዎችን ለመከላከል የሁሉም እገዛ ወሳኝ ነው ተባለ

በተለያዩ ጊዜያት የሚከሰቱ ድንበር ተሻጋሪ ወረርሽኞች ለመከላከል የማህበረሰብ ተሳትፎ የጎላ ድርሻ እንደአለዉ ተገለፀ። (07/01/2018 ዓ.ም በኢትዮጵያ የቀይ መስቀል ማህበር የቤኒሻንጉል ጉሙዝ ክልል ቅርንጫፍ ከኩርሙ ወረዳ ከተለያዩ የህብረተሰብ ክፍሎች ለተወጣጡ በጎ ፍቃደኞች እና ለጤና ባለሙያዎች በወረርሽኝ መከታተል እና መቆጣጠር ላይ ያተኮረ ስልጠና እየተሰጠ ይገኛል ። የኩርሙክ ወረዳ ጤና ጽ/ቤት ሀላፊ አቶ አህመድ አዙበር የስልጠና መድረኩን ሲከፊቱ እንደአሉት በተለያዩ ጊዜያት የሚከሰቱ ድንበር ተሻጋሪ ወረርሽኞች ለመከላከል እና ለመቆጣጠር የማህበረሰብ ተሳትፎ የጎላ ድርሻ እንደአለዉ ነው ። ወረዳዉ በተለያዩ መግቢያዎች ከሌሎች ሀገራት ጋር የሚዋሰን በመሆኑ የስልጠናው መሰጠት በማህበረሰብ እና በሁኔታዎች ላይ የተመሰረተ የህብረተሰብ ጤና አደጋዎች ቅንት ለማጠናከር የጎላ ድርሻ እንደአለዉ የጽ/ቤት ሀላፊው ገልጸዋል ። በማህበረሰብ እና በሁኔታዎች ላይ የተመሰረተ የህብረተሰብ ጤና አደጋዎች ቅንት ማጠናከር መረጃዎችን በወቅቱ ለመሰብሰብ ፣ ወቅታዊ ሪፖርት ለማድረግ ፣ የበሽታ ዳሰሳና ቅኝት በማድረግ ፈጣን ምላሽ ለመስጠት የሚያግዝ መሆኑን አቶ አህመድ ተናግሯል ። በኢትዮጵያ ቀይ መስቀል ማህበር የቤኒሻንጉል ጉሙዝ ክልል የህብረተሰብ ጤና አደጋዎች ቁጥጥር ምላሽ አሰጣጥ /PREPARE/ባለሙያ ሲስተር ብዙዬ ወዳጄ በበኩላቸው ከተለያዩ ሀገራት ድንበር ተሻግሮ የሚመጡ ድንበር ተሻጋሪ በሽታዎችን ለመከላከልና ለመቆጣጠር የጤና ባለሙያዎች እና የበጎ ፍቃደኛ የማህበረሰብ ክፍሎች ቅንጅታዊ አሰራር ወሳኝ በመሆኑ የስልጠና መድረኩ መዘጋጀቱን ገልጸዋል ። ስልጠናዉ ከክልል፣ከአሶሳ ዞን፣ከኩርሙክ ወረዳ የተወጣጡ የጤና ባለሙያዎችና ከኩርሙክ ቀበሌ ለተወጣጡ በጎ ፍቃደኛ የማህበረሰብ ክፍሎች ተሳትፈዋል ።